मुंबई- ठाणे लोकसभा मतदारसंघातून शिवसेना माजी आमदार रवी फाटक यांना उमेदवारी निश्चित असल्याची माहिती सूत्रांनी दिली आहे. ठाणे लोकसभा मतदारसंघातून रवी फाटक महायुतीचे उमेदवार असण्याची शक्यता आहे. विद्यमान ठाकरे गटाचे खासदार राजन विचारे यांच्या विरुद्ध तुल्यबळ लढत होणार असल्याचे संकेत मिळत आहेत. ( ravi phatak Thane Lok Sabha Constituency Bitter fight against Rajan vichare )

गेल्या अनेक वर्षांपासून ठाणे लोकसभा मतदारसंघ हा शिवसेनेकडे आहे. शिवसेनेत फूट पडल्यानंतर पहिल्यांदा लोकसभा निवडणूक होत आहे. याठिकाणी विद्यमान खासदार राजन विचारे आहेत. ठाकरे गटाकडून त्यांनाच उमेदवारी मिळण्याची दाट शक्यता आहे. दुसरीकडे, शिवसेनेकडून रवी फाटक यांना समोर केलं जाणार असल्याची चर्चा आहे.

शिंदे गटाचे आमदार नरेश म्हस्के यांचे देखील नाव चर्चेत आहे. पण, त्यांना उमेदवारी मिळण्याची शक्यता कमी आहे. दुसरीकडे, भाजप देखील या मतदारसंघातून प्रयत्न करत आहे. गणेश नाईक यांचे चिरंजीव संजिव नाईक यांच्या देखील नावाची चर्चा सुरु आहे. माहितीनुसार, आमदार संजय केळकर हे देखील लोकसभेसाठी उत्सुक असल्याचं कळतंय. (Latest Marathi News)