मुंबईतील वरळी हिट अँड रन घटनेत मुख्य आरोपी मिहीर शाहाला पोलिसांनी अटक केली आहे. आज त्याला शिवडी कोर्टाने १६ जुलै पर्यंत पोलिस कोठडी सुनावली आहे. वरळी हिट अँड रन प्रकरणातील मुख्य आरोपी मिहिर शहाला शिवडी दंडाधिकारी न्यायालयाने १६ जुलैपर्यंत पोलिस कोठडी सुनावली आहे.

गाडीची नंबर प्लेट ही गहाळ असून तिचा शोध पोलिसांना घ्यायचा आहे. आरोपीने ओळख लपवण्यासाठी केस आणि दाढी गाडीतच कापल्याचा युक्तीवाद पोलिसांचा न्यायालयात केला आहे. आरोपीला कोणी मदत केली याचा तपास करायचा असून आरोपीच्या जास्तीत जास्त कोठडी देण्याची मागणी पोलिसांकडून न्यायालयात करण्यात आली होती. त्यानंतर न्यायालयाने मिहीर शाहाला १६ तारखेपर्यंत पोलिस कोठडी सुनावली आहे. काल पोलिसांनी शहापूर येथून मिहीरला अटक केली होती.

मिहीर लूक बदलून पलायनाच्या होता प्रयत्नात!

मिहीर शहा हा लूक बदलून पलायन करण्याच्या प्रयत्नात होता, अशी माहिती मुंबई पोलिसांनी कोर्टात दिली. मिहीरला काल विरार फाट्यावरुन पोलिसांनी अटक केली होती. त्यानंतर त्याला आज कोर्टात हजर करण्यात आलं.

सरकारी वकिलांनी कोर्टाला सांगितलं की, मिहीरनं केलेला गुन्हा अतिशय गंभीर आहे. त्यासाठी लहान मोठ्या गोष्टी तपासायच्या आहेत. आरोपी हा पाळून गेल्यानंतर त्यानं आपली ओळख बदलण्याचा प्रयत्न केला. कारमध्येच त्यानं स्वतःची दाढी केली, केस कापले.

या घटनेच्या तपासासाठी महत्वाचे असलेले CCTV देखील आरोपी डॅमेज करू शकतात, त्यामुळं त्याला पोलीस कोठडी दिली पाहिजे. यात एका महिलेचा अतिशय निर्घृणपणे मृत्यू झाला आहे, त्यामुळं अधिकच्या तपासासाठी मिहीर शहाला पोलीस कोठडी मिळाली पाहिजे, असंही सरकारी वकिलांनी कोर्टाला सांगितलं.