मनोर - मुंबई अहमदाबाद महामार्गावरील ढेकाळे उड्डाणपुलावर गुरुवारी (ता.13) दुपारी दोन वाजताच्या सुमारास इको कार आणि एसटी बसचा अपघात झाला. अपघातग्रस्त इको कारने पेट घेतल्याने कार आणि एसटी बस जळून खाक झाली.अपघातात इको कार चालक अडकून पडल्याने त्याचा दुर्दैवी मृत्यू झाला.तर इको कार मधील एक प्रवाशी गंभीर जखमी झाला होता,त्याला उपचारासाठी मनोरच्या ग्रामीण रुग्णालयात दाखल करण्यात आले आहे. बस चालक किरकोळ जखमी झाला आहे.
कल्याण-शिळफाट्याची वाहतूककोंडी ब्रम्हदेव तरी सोडवणार का? असंख्य रुग्णवाहिका आणि वाहनचालकांना मनस्ताप
गुरुवारी दुपारी दोन वाजताच्या सुमारास बोईसर एसटी देपोमधील एसटी बस बोरिवलीहुन बोईसर बाजूला जात होती. एसटी बसच्या चालकाचे महामार्गावरील ढेकाळे उड्डाणपुलावर नियंत्रण सुटल्याने एसटी दुभाजक ओलांडून मुंबई वाहिनीवरील इको कारला धडकली. या अपघातात इको कार ने पेट घेतल्याने इको कार आणि एसटी बस जळून खाक झाली. अपघातात इको चालक ड्रायव्हर केबिनमध्ये अडकून पडल्याने त्याचा जळून मृत्यू झाला.
इको कार मधील एक प्रवाशी गंभीर जखमी झाला होता,त्याला स्थानिकांनी अपघातग्रस्त कार मधून बाहेर काढून मनोरच्या ग्रामीण रुग्णालयात दाखल करण्यात आले आहे.एसटी बसच्या चालक निलेश भांगरे (वय.35) किरकोळ जखमी झाला आहे.एसटी बस मध्ये तीन प्रवाशी प्रवास करीत असल्याची माहिती वाहक चंद्रकांत डोंणगे यांनी दिली.
------------------------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.