मुंबई ते दिल्ली या विमान प्रवासादरम्यान फोनवर अज्ञात व्यक्तीशी विमान हायजॅक करण्याची वल्गना करत विमानात दहशत पसरव्याचा प्रकार समोर आला आहे. या प्रकरणी एका तरुणास सहार पोलिसांनी अटक केली आहे. रितेश संजय कुमार जुनेजा असे आरोपीचे नाव आहे.

मिळालेल्या माहितीनुसार मुळचा हरियाणाचा असलेला हा तरुण दिल्ली ते मुंबई विस्तारा या कंपनीच्या विमानातून प्रवास करत होता. त्यावेळी त्याने एका अज्ञात व्यक्तीला फोन लावून ‘अहमदाबाद का फ्लाईट बोर्ड करनेवाला है, कोई भी दिक्कत हो तो मुझे कॉल करना, हायजॅक का सारा प्लॅनिगं है, उसका सारा अॅक्सेस है चिंता मत करना’’ असे सांगत विमानात दहशत पसरवण्याचा प्रयत्न केला.

याप्रकरणी विमानातील कर्मचाऱ्यांनी सह पोलीस ठाण्यात दिलेल्या तक्रारीनुसार या तरुणाला अटक करण्यात आली आहे.