मुंबई : मराठा आरक्षण कायदा रद्द झाल्यामुळे मराठा समाजात तीव्र असंतोष निर्माण झाला आहे. हा असंतोष व्यक्त करण्यासाठी व मराठा समाजाच्या प्रश्नांकडे सरकारचे लक्ष वेधण्यासाठी महाराष्ट्रात अनेक ठिकाणी आंदोलने चालू आहेत.

मुंबईत असेच आंदोलन घेण्यापूर्वी मराठा समाजात जनजागृती व्हावी या उद्देशाने मुंबईत आज बाईक रॅलीचेआयोजन करण्यात आलंय. या बाईक रॅलीमध्ये मराठा समाजातील लोकप्रतिनिधी, आमदार, खासदार रॅली मध्ये मराठा आरक्षण समर्थनार्थ सहभागी होणार असल्याची माहिती मिळत आहे.

'मराठा आरक्षण सर्वोच्च न्यायालयात राज्य शासनातर्फे ही याचिका दाखल करण्यात आली आहे. ६ जून रोजी रायगडावर शिवराज्याभिषेक सोहळा संपन्न झाल्यावर संभाजीराजे यांनी मराठा आरक्षणावर आपली भूमिका मांडली आणि कोल्हापुरातून राजश्री शाहू महाराजांच्या समाधी पासून मराठा आरक्षण आंदोलनाला सुरवात केली. त्यानंतर राज्यातील वेगवेळ्या भागात मराठा आरक्षणसाठी आंदोलने सुरू आहेत.