मुंबई : कॉंग्रेसचे नाराज नेते संजय निरुपम सध्या कॉंग्रेसवर निशाणा साधण्याचा एकही मुद्दा सोडत नाहीयेत. राहुल गांधी यांची मुंबईत सभा पार पडली. यात संजय निरुपम अनुपस्थित होते. दरम्यान राहुल गांधीच्या सभेदरम्यान निरुपम कुठे होते? असे वारंवार प्रश्न विचारले जात होते. यावर संजय निरुपम यांनी मौन सोडलंय. "मी माझ्या पारिवारिक कामानिमित्ताने रात्रीपर्यंत बिझी असल्याचं निरुपम यांनी म्हटलंय.
"मुंबईत माझ्याविरोधात अनेक अफवा उठवल्या जातायत. माझ्यावरील आरोप हे बिनबुडाचे आहेत. मी माझ्या पारिवारिक कामानिमित्ताने पूर्ण दिवसभर व्यस्त होतो, याबद्दल मी त्यांना ( राहुल गांधी ) आधीच कळवलं होतं. ते (राहुल गांधी ) माझे नेते आहेत आणि कायम राहतील. असं संजय निरुपम यांनी ट्विटच्या माध्यमातून म्हटलंय.
दरम्यान पुढे त्यांनी तो 'निकम्मा' का गैरहजर होता? असाही सवाल उपस्थित केलाय.
आता, संजय निरुपम हे नेमके कोणत्या नेत्याबद्दल बोलतायत हे त्यांनी स्पष्टपणे लिहिलं जरी नसलं तरीही सोशल मिडियावर निरुपम यांनी मिलिंद देवरा यांच्यासाठीच हे लिहिलं असल्याचं बोललं जातंय.
गेले काही दिवस संजय निरुपम हे कॉंग्रेसवर नाराज आहेत. नुकताच त्यांनी कॉंग्रेसचे वरिष्ठ नेते आणि सोनिया गांधी याचे निकटवर्ती मल्लिकार्जुन खर्गे यांच्यावरदेखील निशाणा साधला होता. दरम्यान अद्याप निरुपम यांनी काँग्रेसला सोड्चीठ्ठी दिलेली नाही.
WebTitle : marathi news disgruntled congress leader sanjay nirupam targets milind deora
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.