डोंबिवली : बदलापूर पाईपलाईन रोडवर (Badlapur pipeline road) खोणी गावाजवळ (khoni village) एमआयडीसीची जलवाहिनी (MIDC water pipeline) गुरुवारी दुपारी फुटली. पाईपलाईन दुरुस्तीचे काम (pipeline repairing work) हाती घेण्यात आले असून यामुळे डोंबिवली शहराच्या पाणी पुरवठ्यावर (dombivali water supply) काही तास परिणाम होईल असे अधिकाऱ्यांनी सांगितले.

खोणी गावाजवळ एमआयडीसीची 1772 मिमी व्यासाची पाईपलाईन गुरुवारी दुपारी फुटली. याची माहिती मिळताच एमआयडीसी कडून वाहिनीतील पाण्याचा दाब कमी करण्यात आला आहे. एअर व्हॉल च्या ठिकाणी बिघाड झाला असून त्याच्या दुरुस्ती चे काम हाती घेण्यात आले आहे. काही तासात हे काम पूर्ण होईल, असे अधिकाऱ्यांनी सांगितले.

या वाहिनीवरून डोंबिवली, 27 गाव, एमआयडीसी या भागास पाणी पुरवठा केला जातो. पाणी पुरवठ्यावर याचा कोणताही परिणाम होणार नाही, केवळ डोंबिवली भागात तीन ते चार तास पाणी कपातीचा फटका बसू शकतो अशी माहिती अधिकाऱ्यांनी दिली.