मुंबई : दक्षिण मुंबईतील (south mumbai) मोक्याचे ठिकाण असलेल्या कामाठीपुरा (kamathipura) आणि कुलाबा (colaba) येथील झोपड्यांचा समूह पुनर्विकास (redevelopment) करण्यात येणार असल्याची घोषणा गृहनिर्माण मंत्री जितेंद्र आव्हाड (jitendra awhad) यांनी रविवारी केली. वरळी बीडीडी चाळ (worli BDD chaul) पुनर्विकासाचा प्रकल्पातील पुनर्वसन इमारतींच्या बांधकामाचा शुभारंभ जांबोरी मैदानात आयोजित करण्यात आला होता. यावेळी आव्हाड यांनी ही घोषणा केली. ( Minister jitendra Awhad announces south mumbai kamathipura and colaba redevlopements-nss91)

कामाठीपुरा येथील सुमारे 40 एकर जमिनीवर वसलेल्या एक हजार इमारतींपैकी 700 इमारती आणि चाळी 100 वर्षे जुन्या असून अत्यंत धोकादायक अवस्थेत आहेत. किमान 50 ते 180 चौरस फुटांच्या छोट्याशा खोलीत राहत आहेत. पावसाळ्यात या भागातील धोकादायक इमारतीचा काही भाग कोसळून लहान मोठ्या दुर्घटना घडतात. म्हाडाच्या मुंबई इमारत दुरुस्ती व पुनर्रर्रचना मंडळाच्या उपकरप्राप्त इमारती अधिक आहेत. या इमारतींचा पुनर्विकास सैफी-बुऱ्हानी अपलिफ्टमेन्ट ट्रस्टच्या (एसबीयूटी) धर्तीवर समूह पुनर्विकासाच्या योजनेतून राबविण्यात येणार आहे. याबाबतच्या हालचाली मंडळाने सुरू केल्या आहेत.

यासोबतच कुलाबा येथील 32 एकर जागेवरील झोपड्यांचा समूह पुनर्विकास करण्यात येणार आहे. 16 एकर जागेवर झोपडपट्टी वासीयांचे पुनर्वसन करण्यात येईल. तर उर्वरित जागेवर विक्री घटकासाठी घरे उभारण्यात येणार आहेत. बीडीडी चाळींच्या पुनर्वसनाचे काम सुरू झाल्यानंतर आता गृहनिर्माण विभागाने कामाठीपुरा आणि कुलाबा येथील झोपड्यांच्या पुनर्विकासाचे लक्ष्य निर्धारित केले आहे.