मुंबई: गॅस सिलेंडर स्फोटानं मध्यरात्री मिरा रोड हादरून गेलं. मध्यरात्री 2 वाजता राम नगर येथील शांती गार्डन, सेक्टर नंबर 5 येथील एका मोकळ्या मैदानात उभ्या असलेल्या सिलेंडरच्या गाडीत सिलेंडरचे स्फोट झाले. त्याठिकाणी आजूबाजूला दोन सिलेंडरने भरलेल्या गाडया होत्या. त्या दोन्ही गाड्यांना भीषण आग लागली होती. त्यानंतर त्यातील भरलेल्या सिलेंडरचे एकामागून एक स्फोट झाले. 

जवळपास 7 स्फोट झाल्याची माहिती स्थानिकांनी दिली. रात्री झोपी गेलेले रहिवाशी या स्फोटाने पूर्णपणे हादरून गेले. स्फोट एवढा तीव्र होता की, स्फोटामुळे आजूबाजू घरांच्या काचा फुटल्या. सिलेंडरचा पत्रा तसेच गाडीचा पत्रा हा शेजारील सोसायटीच्या आवारात पडला. सिलेंडरच्या उडलेल्या तुकड्याने दोघेजण जखमी झाले आहेत. त्यांना जवळच्या रुग्णालयात उपचारार्थ दाखल करण्यात आलं आहे.

मुंबई विभागातल्या ताज्या वाचण्यासाठी येथे क्लिक करा.

स्फोटानंतर लगेच मिरा-भाईंदर अग्निशमन दलाच्या सात अग्निशमन गाड्या, दोन टॅंकर, एक टिटीएल गाडी, तसेच 54 जवान घटनास्थळी दाखल झाले. दरम्यान त्यांनी तासाभरात परिस्थिती नियंत्रणात आणली. याठिकाणी अर्धा किमीवरुन अग्निशमन दलाचे कर्मचारी सीडीवरुन पाण्याचा मारा करत होते.

मिळालेल्या माहितीनुसार, ती जागा आरक्षित असल्याने पूर्णपणे मोकळी होती. तेथे नेहमी भरलेल्या सिलेंडरच्या गाड्या उभ्या केल्या जातात. तसेच आजूबाजूल इतर वाहन देखील पार्किंग केलेली असतात. दरम्यान काही नागरिकांनी येथे अवैद्य सिलेंडरची रिफेलिंग होत असल्याचा ही आरोप केला आहे. विशेष म्हणजे ही जागा वसई विरार- मिरा भाईंदर पोलिस आयुक्तालयाच्या अगदी मागे 100 मीटर अंतरावर आहे.

हेही वाचा- वाढलेल्या लसीकरणामुळे पालिकेला दिलासा, राजावाडीत सर्वाधिक लसीकरण

---------------------------------------

(संपादन- पूजा विचारे)

mira road 7 cylinder blast fireman and local got injured