Miraroad Cylinder Explosions

भाईंदर: मिरा रोड येथील रामदेव पार्क परिसरातील एका इमारतीच्या तळमजल्यावरील घरात गॅस सिलिंडरचा स्फोट होऊन एकजण जखमी झाला. त्याला जवळच्या रुग्णालयात उपचारासाठी दाखल करण्यात आले आहे.

रामकृपा या इमारतीच्या तळमजल्यावरील घरात हॉटेलमध्ये काम करणारे काही कर्मचारी रहात होते. आज (गुरुवार) रात्री दहाच्या सुमारास या घरात गॅस सिलिंडरचा स्फोट झाला. त्यात एक सोळा ते सतरा वर्षीय मुलगा जखमी झाला. त्याला तातडीने नजीकच्या रुगणालयात दाखल करण्यात आले. (Miraroad Cylinder Explosions)

घरात आणखी काही गॅस सिलिंडरही सापडले आहेत. या स्फोटाची तीव्रता एवढी होती की त्याचा आवाज दूरपर्यंत ऐकू गेला. तसेच आसपासच्या घरांच्या खिडकीच्या काचा देखील फुटल्या.

घटनेची माहिती मिळताच अग्निशमन दल व पोलीस घटनास्थळी दाखल झाले. खबरदारीचा उपाय म्हणून इमारत रिकामी करून तिचा वीज पुरवठा खंडित करण्यात आला. (Latest Marathi News)