डोंबिवली: लॉकडाऊनमुळे डोंबिवली जवळ असलेल्या 27 गावांतील जिल्हा परिषद शाळेमधील विद्यार्थ्यांना शालेय साहित्य खरेदी करणे अवघड झाले आहे. ही बाब गावकऱ्यांनी मनसे पदाधिकारी तथा घारीवली गावचे माजी सरपंच योगेश पाटील यांच्या कानावर घातली. त्यांनी याची त्वरित दखल घेत वाढदिवसाचा वायफळ खर्च टाळत घारीवली, काटई, उसरघर आणि संदप या 4 गावातील 350 शालेय विद्यार्थ्यांचा एक वर्षाचा शैक्षणिक साहित्याचा खर्च उचलला आहे.
चक्रीवादळात नुकसान झालेल्या घारीवलीतील शाळेच्या छताचे पत्रेही पाटील यांनी स्वखर्चाने बसवून दिले. कोरोना सारख्या आरोग्य संकटात पाटील हे गरीब गरजू विद्यार्थ्यांच्या मदतीसाठी पुढे झाले असल्याने कल्याण ग्रामीणचे मनसेचे आमदार राजू पाटील यांनीही त्यांचे कौतुक केले.
27 गावातील शाळा या जिल्हा परिषद आस्थापनेच्या अंतर्गत येत असल्याने त्यांना केडीएमसी शाळेप्रमाणे सुविधा व इतर लाभ मिळत नाही. या शाळांमध्ये शिकणारी मुले ही गरीब घरातली आहेत. तसेच कोरोनाच्या संकट काळात विद्यार्थ्यांचे पालक हतबल झाल्यामुळे वाढदिवसाचा खर्च टाळून विद्यार्थ्यांच्या शैक्षणिक साहित्याचा खर्च उचलून सामाजिक कार्यात मी एक खारीचा वाटा उचलला आहे, असे योगेश पाटील यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.