मुंबई  - राज्यात वीजबिलाचा प्रश्न पेटला आहे. महाराष्ट्र नवनिर्माण सेना आणि भारतीय जनता पक्ष राज्य सरकारविरोधात आंदोलने करीत आहेत. यावरून शिवसेना नेते अनिल परब यांनी मनसेवर घणाघाती टीका केली आहे. मनसे सुपारीबाज पक्ष असल्याचे त्यांनी म्हटले होती. परब यांची टीकेला मनसेनेही प्रत्युत्तर दिले आहे. 

हेही वाचा - मुंबईतील 18 उपनगरीय रेल्वे स्टेशनचा कायापालट होणार

महाराष्ट्र नवनिर्माण सेना सुपारीबाज पक्ष असून सुपारी घेतल्याशिवाय ते काम करू शकत नाही असे अनिल परब म्हणाले होते. त्याला उत्तर देताना,  'शिवसेनेने हिंदूंच्या पाठीत खंजीर खुपसला आहे. उद्धव ठाकरे यांनी बाळासाहेबांना स्वबळावर सत्ता आणणार असे सांगितले होते. परंतु त्यांनी कॉंग्रेस राष्ट्रवादीच्या जिवावर सत्ता स्थापन केली. शिवसेनेचं लग्न एकाशी आणि लफडं दुसऱ्यासोबत अशी घणाघाती टीका संदीप देशपांडे .यांनी एका खासगी वृत्तवाहिनीशी बोलताना केली.

कृष्णकुंज चं महत्व वाढल्याने शिवसेनेच्या पोटात दुखत आहे. उद्धव ठाकरे यांच्या नातेवाईकांनी मनसेला प्रस्ताव दिला होता. शिवसेनेने धोकाबाजी केल्यामुळे त्यावेळी युती झाली नाही. शिवसेनेचा जीव मुंबई महापालिकारुपी पोपटात अडकला आहे.  असंही देशपांडे यांनी म्हटले.

हेही वाचा - नागरिकच नाहीतर गेल्या १३ वर्षांपासून मुंबई महापालिकेत पुतळेही वेटींगवर
 

अनिल परब नेमकं काय म्हणाले होते?

“पारी घेतल्या शिवाय मनसे कोणतही काम करत नाही. त्यांचे अस्तित्व त्यावरच आहे. अशा शब्दात परीवहन मंत्री ऍड.अनिल परब यांनी महाराष्ट्र नवनिर्माण सेनेवर टीका केली आहे. महाराष्ट्र नवनिर्माण सेनेने वाढीव वीज बिलांविरोधात छेडलेल्या आंदोलनावरुन ऍड. अनिल परब यांनी या हा हल्ला चढवला होता. 

MNSs Sandeep Deshpande responds strongly to Anil Parbas criticism

------------------------------------------------------

( संपादन - तुषार सोनवणे )