मुंबई - मुंबईत 26 जूनपासून मान्सून सक्रीय होणार असल्याची माहिती हवामान खात्याने दिली आहे. जून महिना संपला तरी मुंबईत मान्सून लांबला होता. आता मुंबईकरांची प्रतिक्षा संपणार आहे. त्यामुळे उकाडयाने हैराण झालेल्या मुंबईकरांसाठी मोठा दिलासा मिळणार आहे.

आज सकाळी मुंबईत हलका पाऊस झाला. उद्या आणि परवा असाच पावसाचा शिडकावा शक्यता आहे. 26 जूनपासून जोरदार पाऊस होण्याची शक्यता आहेत. दरवर्षी मान्सून दहा ते अकरा जूनच्या दरम्यान मुंबईत दाखल होतो. मात्र यंदा अर्धा जून संपला तरी मान्सून पत्ता नाही. पाऊस लांबल्याने उकाडा वाढू लागला आहे. मुंबईचे तापमान वाढत आहे.

कोकण भागात वेळेत मान्सूनचे आगमन झाले असताना मुंबईकरांना मात्र प्रतिक्षा करावी लागली होती. पाऊस नसल्याने मुंबईला पाणी पुरवठा करणाऱ्या तलावांनी तळ गाठला आहे. त्यामुळे पाणी कपातीची टांगती तलवार मुंबईकरांवर आहे.