मुंबई : मुंबईत बाधित रुग्णांचा आकडा गुरुवारी (ता. 17) दोन हजारांच्या वर गेला असून, 2,389 नव्या रुग्णांची भर पडली आहे. त्यामुळे मुंबईतील एकूण रुग्णसंख्या 1,78,275 झाली आहे. आज 43 रुग्णांचा मृत्यू झाला असून, मृतांचा आकडा 8,320 वर पोहोचला आहे. आज दिवसभरात 1,173 रुग्ण बरे होऊन घरी गेल्याने रुग्ण बरे होण्याचा दर हा 77 टक्के इतका झाला आहे.

'ईज ऑफ डुईंग बिजनेस' अधिक प्रभावीपणे राबविण्यासाठी कृती आराखडा तयार करा - मुख्यमंत्री उद्धव ठाकरे

मुंबईत आज नोंद झालेल्या 43 मृत्यूंपैकी 31 जणांना दीर्घकालीन आजार होते. आजच्या एकूण मृत्यू झालेल्या व्यक्तींमध्ये 32 पुरुष, तर 11 महिलांचा समावेश होता. एकूण मृत झालेल्या 43 रुग्णांपैकी दोघांचे वय 40 वर्षांखालील होते. तर 28 रुग्णांचे वय 60 वर्षांवर होते; तसेच 13 रुग्ण 40 ते 60 वर्षांदरम्यान होते.
आज 1,173 रुग्ण बरे झाले असून, आजपर्यंत 1,36,739 रुग्णांना घरी सोडण्यात आले. मुंबईत रुग्ण दुपटीचा दर हा 55 दिवसांवर गेला आहे. 10 सप्टेंबर ते 16 सप्टेंबर दरम्यान रुग्णवाढीचा दर 1.28 वरून 1.26 टक्क्यांपर्यंत खाली आला आहे. 16 सप्टेंबरपर्यंत एकूण 9,64,609 कोव्हिड चाचण्या करण्यात आल्या. 

पोलिस भरतीमध्ये मराठा समाजासाठी जागा आरक्षित ठेवण्याविषयी कायदेशीर सल्ला घेणार; गृहमंत्री अनिल देशमुख

18,220 अति जोखमीचे रुग्ण
मुंबईत 590 इमारती आणि झोपडपट्ट्या कंटेन्मेंट झोन म्हणून जाहीर केले आहेत. तर सक्रिय सीलबंद इमारतींची संख्या 9,365 आहे. गेल्या 24 तासांत बाधित रुग्णांच्या संपर्कात असलेले 18,220 अति जोखमीचे रुग्ण आहेत, तर 2,332 रुग्ण कोव्हिड केअर सेंटर 1 मध्ये उपचार घेत आहेत.

----------------------------------------------

( संपादन - तुषार सोनवणे )