Hsc Exam Result: आईच्या जिद्दीची कहाणी कशी असावी याचा प्रत्यय आपल्याला गीता पासी यांच्याकडे बघून येतो. याचे कारण म्हणजे कुर्ला येथे राहणाऱ्या त्या आणि त्यांच्या मुलगा दोघेही बारावीच्या परीक्षेला बसले आणि दोघेही बारावीची परीक्षा उत्तीर्ण झाले. त्यात खास बाब म्हणजे मुलापेक्षाही आईने जास्त गुण मिळवले आहेत (latest Marathi news)

1966 साली त्यांनी पहिल्यांदा दहावीची परीक्षा दिली होती. मात्र तेव्हा त्या तब्बल तीन ते चार विषयांमध्ये नापास झाल्या होत्या. त्यानंतर त्यांचं लग्न झालं. संसाराची जबाबदारी आली, कुटुंबाची जबाबदारी आली. यामुळे त्या कधीही परीक्षा देऊ शकल्या नाहीत. अखेर दोन वर्षांपूर्वी त्यांनी दहावीची परीक्षा दिली आणि आज त्या बारावीच्या परीक्षेतही पास झाले आहेत.(12 exam result in maharashtra )

गीता यांचा मुलगा आर्यन याला ५२ टक्के पडले असून गीता यांना ५३ टक्के पडले आहेत. गीता यांनी नेहमीच अभ्यासाला पसंती दिल्याने आर्यनही विद्यान शाखेत चांगल्या गुणांनी पास झाला आहे. गीता म्हणतात आर्यन चांगल्या मार्गाने पास झाला याचा मला अभिमान आहे. याचबरोबर मी ही पास झाले याचा मला आनंद आहे.(mumbai hsc result)

गीता म्हणतात की, बारावीच्या टेन्शनमुळे त्यांना झोप लागत नव्हती, सकाळी पाच वाजता आपोआप जाग यायची. त्या आणि त्यांचा मुलगा एकत्र बसून अभ्यास करायचे पूर्ण वर्षभर त्यांनी असाच व्यवस्थित अभ्यास केला. अभ्यासाच्या जोरावर आज त्या पास झाल्या आहेत. अभ्यासक्रमाची भीती त्यांना वाटत असे, मात्र पास झाल्याचा प्रचंड आनंद त्यांना होत आहे. मेहनत सार्थकी लागली असे ते म्हणत आहेत. याचबरोबर त्यांच्या या अभ्यासू वृत्तीचं सर्वत्र कौतुक होत आहे.