मुंबई: मुंबई उच्च न्यायालयाने (Mumbai high court) अभिनेता साहिल खानला (Sahil khan) अटकेपासून तूर्तास दिलासा दिला आहे. प्रसिद्ध बॉडी बिल्डर मनोज पाटीलला (Manoj patil) आत्महत्येसाठी प्रवृत्त केल्याचा साहिलवर आरोप आहे. मुंबई सत्र न्यायालयानं (Session court) अटकपूर्व जामीन नाकरल्याच्या निर्णयाला साहिलनं हायकोर्टात आव्हान दिलं होतं.

काय आहे प्रकरण?

काही दिवसांपूर्वी मिस्टर इंडियाचा (Mister India) किताब पटकवणारा प्रसिद्ध बॉडी बिल्डर मनोज पाटीलने (manoj patil) आत्महत्येचा प्रयत्न केला होता. मनोज पाटीलने अभिनेता साहिल खानवर गंभीर आरोप केले होते. साहिल खानकडून (sahil khan) मानसिक त्रास दिला जात आहे. धमक्याही (Threaten) दिल्या जात असल्याचा आरोप मनोजने केले होते.

साहिल खोट्या गुन्ह्यात अडकवण्याची धमकी देत असल्याचा आरोप मनोजने केला होता. या प्रकरणी त्याने ओशिवरा पोलिस ठाण्याच्या वरिष्ठ पोलिस निरीक्षकांना लेखी पत्र लिहिले होते. मनोजने सोशल मीडियावर एक ऑडियो पोस्ट केला होता. त्रास आणि बदनामीला कंटाळून आत्महत्येचे पाऊल उचलत असल्याचे मनोजने आपल्या चिठ्ठीमध्ये लिहिले होते.