मुंबई - मुंबईतील छत्रपती शिवाजी महाराज आंतरराष्ट्रीय विमानतळावर महसूल गुप्तचर संचालनालयाने डीआरआयने शुक्रवारी 11 नोव्हेंबर रोजी 35 कोटी रुपयांच्या 4.98 किलो हेरॉईनसह एका प्रवाशाला अटक केली.

डीआरआयला एका प्रवाशामार्फत अमली पदार्थ तस्करी करण्याचा तयारीत असल्याची माहिती मिळाली होती, त्यानंतर अधिकार्‍यांनी विमानतळावर पाळत ठेवली होती. केनिया देशाच्या नैरोबी येथून मुंबईला जाणाऱ्या एका व्यक्तीला तपासणी दरम्यान अडवण्यात आले. त्याच्या सामानाची झडती घेतली असता, अधिकाऱ्यांनी एका ट्रॉली बॅगमध्ये 4.98 किलो हेरॉईन आल्याचे आढळून आले, असे अधिकाऱ्याने सांगितले.

ट्रॉली बॅगमध्ये तयार केलेल्या छोट्या पोकळीखाली लपवून ठेवलेल्या काळ्या पॉलिथिनच्या पिशवीत अमली पदार्थ लपवून ठेवण्यात आला होता, त्यामुळे तपास यंत्रणांना शोधणे कठीण होते. आरोपी आंतरराष्ट्रीय अंमली पदार्थांची तस्करी करणाऱ्या सिंडिकेटचा भाग आहे का आणि हे अमली पदार्थ भारतात कुठे आणि कोणाला हस्तांतरीत करायचे होते या मार्गाने पोलीस तपास सुरू आहे.