मुंबई- मुंबई वांद्रे-वरळी सी लिंक टोलनाक्यावर मोठा अपघात झाला आहे. तीन ते चार गाड्यांचा विचित्र अपघात झाला आहे. काही गाड्या टोलनाक्याजवळ थांबल्या होत्या. यावेळी मागून आलेल्या एका गाडीने जोराची धडक दिल्याची माहिती आहे. यात १० ते १२ जण जखमी झालेत, तर चार जणांची प्रकृती गंभीर असल्याचं समजतंय.

मिळालेल्या माहितीनुसार, सी लिंक वरील टोल नाक्यावर हा अपघात झाला आहे. टोल नाक्यावर उभ्या असलेल्या दोन ते तीन गाड्यांना मागून वेगाने आलेल्या गाडीची जोरदार धडक बसली. यामध्ये अनेक जण जखमी झाले आहेत. चार जण अपघातात गंभीर जखमी झाले आहे. जखमींना हॉस्पिटलमध्ये दाखल करण्यात आले आहे. वांद्रे पोलीस घटनास्थळी पोहोचले आहेत. (Mumbai Accident Horrific accident at Bandra Worli Sealink toll plaza 4 passengers seriously injured )

अपघात इतका भीषण होता की दोन गाड्यांचा पूर्ण चुराडा झाला आहे. तर दुसऱ्या दोन गाड्यांचे मोठे नुकसान झाले आहे. मागून वेगाने येणाऱ्या चालकाच्या चुकीमुळे हा अपघात झाल्याचं बोललं जातंय.( Latest Marathi News)