भाईंदर : कोरोनाच्या पार्श्वभूमीवर पालिका प्रशासनाला अनेक समस्यांना सामोरे जावे लागले आहे. त्यातच शहरात आणि मुंबई-अहमदाबाद मुख्य मार्गांवर मोठ्या प्रमाणात खड्ड्यांचे साम्राज्य पसरले झाले आहे. त्यामुळे प्रशासनापुढील डोके दुखी वाढली असून, प्रवाशांना अनेक समस्यांचा सामना करावा लागत आहे. याशिवाय रस्त्याच्या कडेला असलेल्या गटारावरील झाकणे तुटल्याने आणि गायब झाल्याने याठिकाणी मोठा अपघात होण्याची शक्‍यता वर्तविण्यात येत आहे.

आम्हाला भाडं देणं शक्य नाही...मुंबईत व्यावसायिकाची पत्नीसह शॉवरला गळफास घेऊन आत्महत्या

दहिसर टोल नाक्‍यावरून वसईच्या दिशेने जाणाऱ्या मुंबई-अहमदाबाद मार्गांवर मोठ्या प्रमाणात नागरिक प्रवास करत असतात. कोरोनाच्या पार्श्वभूमीवर लोकल रेल्वे सेवा बंद असल्यामुळे नागरिक बस, चारचाकी आणि दुचाकी वाहनाचा वापर करत आहेत. परंतु अशा परिस्थितीत मुख्य मार्गावरील रस्त्यावर खड्ड्यांचे साम्राज्य निर्माण पसरल्याने वाहनांना मार्ग काढणे अवघड जात आहे. त्यातच मेट्रोच्या कामाकरिता अर्धा रस्ता व्यापला गेल्याने या मार्गांवर आता प्रवाशांना प्रचंड प्रमाणात वाहतूक कोंडीचा सामना करावा लागत आहे. पालिका प्रशासन आणि मेट्रो यांच्यातील हद्दीचा वादामुळे रस्त्याची दुरुस्ती रखडल्याचे बोलले जात आहे. 

मुंबईकरांवरील पाणीटंचाईचा प्रश्न मिटला, केवळ 'इतके' टक्केच जलसाठा कमी

नागरिकांचा जीव मुठीत धरून प्रवास 
महामार्गावर खड्ड्याच्या समस्येसह नाल्यावरील उघड्या झाकणाची समस्या गंभीर स्वरूपाची आहे. गेल्या महिन्यात नाल्यावर झाकण नसल्यामुळे एका युवकाचा मृत्यू झाला होता. त्यामुळे शहरातील उघड्या नाल्यावर झाकणे बसवण्याचे आदेश आयुक्त डॉ. विजय राठोड यांनी दिले होते. परंतु अद्यापही शहरातील अनेक भागातील झाकणे बसवण्यात न आल्यामुळे नागरिकांना जीव मुठीत घेऊन प्रवास करत आहेत. 

मुंबई-अहमदाबाद मार्गांवर मेट्रोचे काम सुरु असल्यामुळे तो रस्ता एमएमआरडीएच्या ताब्यात देण्यात आला आहे. एमएमआरडीए ने रस्त्यावरील खड्डे आणि झाकणे लावणे अपेक्षित आहे. आम्ही याबाबत त्यांच्याकडे पाठपुरावा करत आहोत. 
- दीपक खांबित,
कार्यकारी अभियंता, सार्वजनिक बांधकाम विभाग. 

--------------------------------------

( संपादन - तुषार सोनवणे )