मुंबई : मुंबई पोलिस दलातील कोरोनाबाधीत पोलिसांचा आकडा 900 झाला असून गेल्या 24 तासांत मुंबईत सुमारे दीडशे पोलिसांना कोरोनाची लागण झाली आहे. तर राज्यात आतापर्यंत एक हजार 666 पोलिसांना कोरोनाची बाधा झाली आहे.
मुंबईतील कोरोना बाधीत पोलिसांचा आकडा गुरुवरी 750 होता. शुक्रवारी त्याता आणखी 150 पोलिसांची भर पडली असून हा आकडा 900 वर पोहोचला आहे. एका वरिष्ठ अधिका-याने या वृत्ताला दुजोरा दिला आहे. अंधेरीतील ओशिवरा पोलिस ठाण्यातील 12 पोलिसांना कोरोनाची लागण झाली असून त्यात चार अधिका-यांच समावेश आहे.
कोरोना विषाणूचा प्रादुर्भाव रोखण्यासाठी सुरू असलेल्या प्रयत्नात दुर्देवाने राज्यातील 14 पोलिसांना आपला जीव गमवावा लागला आहे. तसेच राज्यात183 पोलीस अधिकारी आणि 1 हजार 483 पोलीस कर्मचारी हे कोरोना पॉझिटिव्ह आढळले असून त्यांच्यावर उपचार सुरू आहेत.
पोलिसांना जर कोरोना संदर्भातील काही लक्षणे दिसून आली तर त्यांच्यावर तातडीने उपचार व्हावेत, याकरिता राज्यात सर्वत्र नियंत्रण कक्ष स्थापन केले आहेत. राज्यात एकूण 3 हजार 717 रिलिफ कँप आहेत. तर जवळपास3 लाख, 54 हजार 195 नागरीकांची व्यवस्था करण्यात आली आहे. कोरोनाच्या संसर्गामुळे मृत्यू झाल्यास पोलिसांच्या कुटुंबियांना 65 ते 70 लाख रुपये आर्थिक मदत दिली जाणार असून त्याचप्रमाणे प्रत्येक कुटुंबातील एका सदस्याला सरकारी नोकरी मिळणार आहे. सुदैवाने राज्यात 473 पोलिस कोरोनावर मात करून घरी परतले आहेत. त्यात 35 अधिका-यांचा समावेश आहे.
मुंबईत आतापर्यत 191 कोरोनाबाधित पोलिसांना रुग्णालयातून डिस्चार्ज देण्यात आला आहे. त्यात एका उपायुक्त दर्ज्याच्या अधिका-याचाही समावेश आहे. मुंबईतील वाकोला येथे पोलिसांसाठी विशेष कोविड केअर सेंटर स्थापन करण्यात आले असून मरिन ड्राईव्ह येथील पोलिस जीमखान्यात ही कोविड केअर सेंटर उभे करण्यात येणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.