मुंबई : मुंबई आणि मडगाव (mumbai and madgaon) दरम्यान धावणाऱ्या विशेष उत्सव ट्रेन सेवांना (Special trains) मुदतवाढ देण्याचा निर्णय कोकण रेल्वेने (Konkan railway) घेतला आहे. त्यामुळे कोकण मार्गावरील नियमित प्रवाशांना (Konkan commuters) दिलासा मिळणार आहे. मात्र या ट्रेन मध्ये फक्त कन्फर्म तिकीट (confirm ticket) असलेल्या प्रवाशांनाच प्रवासाची परवानगी (travelling permission) राहणार आहे.

यामध्ये 01111, 01112 मुंबई - मडगाव या ट्रेनला 1 नोव्हेंबर ते 30 जानेवारी 2022 पर्यंत मुदतवाढ देण्यात आली आहे. त्याप्रमाणेच 01113 या ट्रेनला 2 नोव्हेंबर ते 31 जानेवारी 2022 पर्यंत आणि 01114 या ट्रेनला 1 नोव्हेंबर ते 31 जानेवारी 2022 पर्यंत दैनंदिन चालविण्यासाठी मुदतवाढ मिळाली आहे. या सर्व ट्रेनचे नियमित थांबे सुरूच राहणार असून, उत्सव विशेष ट्रेनचे विशेष शुल्कासह तिकीट बुकिंग 20 सप्टेंबर पासून सर्व संगणकीकृत आरक्षण केंद्रांवर आणि www.irctc.co.in या संकेतस्थळावर सुरु केले जाणार आहे.