मुंबई : मुंबई सेंट्रल (Mumbai central) स्टेशनजवळील टोपीवाला नॅशनल मेडिकल कॉलेज (topiwala medical college) आणि बीवायएल नायर रुग्णालयाला (nair hospital) शंभर वर्ष पूर्ण झाले (100 years completed) आहे.  या वर्षाच्या निमित्ताने रुग्णालयातर्फे अनेक कार्यक्रम (event) आयोजित केले जाणार आहेत. यावेळेस नायर रुग्णालय 17 मुलांना नवीन जीवन (news life) देणार आहे. (Mumbai central-topiwala medical college-nair hospital-event-new life-nss91)

ही अशी मुले आहेत जी स्पाइनल मस्क्युलर एट्रोफी (Spinal Muscular Atrophy) नावाच्या अनुवांशिक आजाराने ग्रस्त आहेत. या रोगामुळे शरीराची शक्ती संपते. या आजाराच्या उपचारासाठी, कोट्यवधी रुपयांचे प्रभावी इंजेक्शन्स या मुलांना आयुष्यभर मोफत देऊन नवीन जीवन दिले जाणार आहे. 1921 मध्ये सुरू झालेले नायर रुग्णालय आता 100 वर्षांचे झाले आहे. यानिमित्त रुग्णालयात अनेक सामाजिक कार्यक्रम होणार आहेत, ज्याचे उद्घाटन मुख्यमंत्री उद्धव ठाकरे यांच्या हस्ते होणार आहे.

या कार्यक्रमात 17 मुलांना नवीन जीवदान देण्याच्या कार्यक्रमाचेही उद्घाटन केले जाईल. नायर रुग्णालयाच्या बालरोग विभागाच्या प्रमुख डॉ.सुषमा मलिक यांनी सांगितले की, ही 17 मुले स्पाइनल मस्क्युलर एट्रोफी या दुर्मिळ आजाराने ग्रस्त आहेत. मलिक यांच्या मते, हा रोग पाठीच्या कण्यातील मोटर पेशींवर परिणाम करतो, ज्यामुळे शरीराची शक्ती संपते. हळूहळू चालणे, बोलणे, अन्न खाणे आणि अगदी श्वास घेणे सुद्धा कठीण होते.

10 हजार मुलांपैकी एकाला हा आजार होतो. या आजारांच्या उपचारांची किंमत खूप जास्त आहे जी सामान्य माणसाच्या आवाक्याबाहेर आहे. या आजारासाठी बायोजेन कंपनीकडून प्रभावी इंजेक्शन 'स्पिनराज' या मुलांना आयुष्यभर मोफत दिले जाईल. यासाठी अमेरिकास्थित एनजीओ डायरेक्ट रिलीफ रुग्णालयाला मदत करत आहे. डॉ. मलिक यांनी सांगितले की, हे इंजेक्शन देण्यासाठी डाॅ. अल्पना कोंडेकर या समन्वयकाचे काम करतील. या इंजेक्शनमुळे मुलांना रोगामुळे होणाऱ्या अस्वस्थतेपासून आराम मिळण्यास मदत होईल.

पहिल्या वर्षाचा खर्च 6 कोटी

पहिल्या वर्षी प्रत्येक मुलाला 7 इंजेक्शन्स देण्यात येतील, ज्याची किंमत 6 कोटी रुपये असेल. यानंतर, दरवर्षी 4 इंजेक्शन्स दिली जातील, ज्याची किंमत 3.2 कोटी असेल असेही डाॅ. मलिक यांनी साांगितले.