मुंबई: मुंबईतील किमान तापमानात आणखी घट झाली आहे. काही भागांतील किमान तापमान माथेरानपेक्षा खाली गेल्याचे दिसते. गोरेगाव येथे सर्वाधिक कमी तापमानाची नोंद झाली असून येथे 14.90 अंश सेल्सियस तापमान नोंदवण्यात आले. माथेरान मधील किमान तापमान 18.6 इतके नोंदवण्यात आले.

मुंबईत अनेक विभागांत किमान तापमान 20 अंशाच्या खाली नोंदवण्यात आले. सांताक्रूझ 16.37 तर पवई येथे 17.60 अंश सेल्सियस तापमानाची नोंद झाली. वांद्रे 18, बीकेसी 18, मालाड 18, कांदिवली 19, कुलाबा 20.4 अंश सेल्सियस तापमानाची नोंद झाली.

 राज्यातील पारा 10 अंशाच्या खाली

राज्यातील अनेक भागात पारा घसरला असून किमान तापमान 10 अंशाच्या खाली नोंदवले गेले. त्यामुळे दिवसा घामाच्या धारा निघत असल्या तरी पहाटे थंडीचा जोर वाढल्याचे दिसते.

राज्यात सर्वाधिक कमी तापमानाची नोंद जळगाव येथे 7 अंश सेल्सिअस नोंदवले गेले. त्या खालोखाल बारामती 8.8,पुणे 8.6, नाशिक 9.1 अंश सेल्सियस तापमानाची नोंद झाली आहे. 

उत्तराखंडमध्ये हिमकडा कोसळून नदीला पूर आला. बर्फ मोठ्या प्रमाणात कोसळल्याने थंडीची लाट ही आली आहे. त्याचा परिणाम महाराष्ट्रात जाणवत असून अनेक भागात पारा खाली घसरला आहे.

मुंबई विभागातल्या ताज्या बातम्या वाचण्यासाठी येथे क्लिक करा.

राज्यात आज किमान तापमानाची नोंद झाली असून तापमान 'सिंगल डिजिट' वर आले आहे. अनेक भागांतील तापमान 10 अंशाच्या खाली नोंदवण्यात आले असून ही परिस्थिती पुढील 48 तास अशीच राहण्याचा अंदाज मुंबई प्रादेशिक हवामान विभागाने व्यक्त केला आहे.

जिल्हा   तापमान (तापमान अंश सेल्सियस मध्ये)
जळगाव- 7 
सातारा- 10.7 
नाशिक-  9.1 
बारामती-  8.8 
पुणे-  8.6
सांगली- 13.9 
जेऊर-  9 
मालेगाव-  10.4 
सांताक्रूझ-  17.6 
डहाणू-  17.1 
ठाणे-  20.2
औरंगाबाद- 10.7 
जालना- 14 
परभणी-  9.9 
उस्मानाबाद- 12.4 
नांदेड- 10.7 

--------------------------------

(संपादन- पूजा विचारे)

mumbai coldest day minimum temperature dips dry climate