मुंबई : आज कोरोनाचे 275 नवे रुग्ण (corona new patients) आढळले.  कोरोनाबाधित रुग्णांची एकूण संख्या 7,60,270 वर पोहोचली आहे. आज 256 रुग्णांनी कोरोनावर मात केल्याने आतापर्यंत 7,38,599 रुग्ण कोरोनामुक्त (corona free patients) झाले आहेत. मुंबईत आज केवळ एका कोविड मृत्यूची (corona deaths) नोंद झाली झाल्याने मृतांचा एकूण आकडा 16,299 वर पोहोचला आहे. बरे झालेल्या रूग्णांचा दर 97 टक्के असून कोविड वाढीचा दर 0.03 टक्के झाला आहे.

मुंबईतील रूग्ण दुपटीचा कालावधी 2098 दिवस झाला आहे. मुंबईत मुंबईतील सक्रिय रुग्णांची संख्या 2821 आहे. मुंबईत कोविड चाचण्या वाढवण्यात आल्या आहेत. आज दिवसभरात 39,364 कोविड चाचण्या केल्या गेल्या असून आतापर्यंत 1,19,99,088 एवढ्या चाचण्या झाल्या आहेत.