मुंबई : मुंबईत (Mumbai) आज दिवसभरात कोरोनाच्या 394 नवीन रुग्णांची (corona new patients) नोंद झाली. सोमवारी 377 बाधित रुग्ण सापडले होते. कोरोना बाधित रुग्णांची एकूण संख्या 7,42,011वर पोहोचली आहे. तर 477 रुग्णांनी कोरोनावर मात (corona free patients) केल्याने आतापर्यंत 7,18,813 रुग्ण कोरोनामुक्त झाले आहेत.

आज 6 कोविड मृत्यूची नोंद झाली झाली. मृतांचा एकूण आकडा 16,097 वर पोचला आहे.बरे झालेल्या रूग्णांचा दर 97 टक्के असून कोविड वाढीचा दर 0.06 टक्के आहे.मुंबईतील रूग्ण दुपटीचा कालावधी वाढून 1200 दिवस झाला.आज दिवसभरात 28,838 कोविड चाचण्या झाल्या असून आतापर्यंत 1,02,76,502 एवढ्या चाचण्या झाल्या आहेत. मुंबईत सध्या 4611 सक्रिय रुग्ण आहेत. 

धारावीमध्ये शून्य रुग्णांची नोंद

आज धारावी मध्ये पुन्हा एकदा शून्य रुग्णांची नोंद झाली. धारावीमध्ये तब्बल वीस वेळा शून्य रुग्ण नोंद झाली आहे. धारावीतील एकूण रुग्णसंख्या 7088 इतकी आहे. आज दादर मध्ये 4 रुग्णांची नोंद झाली असून एकूण रुग्णसंख्या 10,162 झाली आहे. तर माहीम मध्ये आज 1 रुग्ण सापडला असून एकूण रुग्णसंख्या 10,534 वर पोहोचली आहे.