मुंबई : सभागृह अथवा खुल्या जागेत 200 पेक्षा जास्त व्यक्ती उपस्थित राहाणार असतील तर महापालिकेची (Mumbai Corporation) विशेष परवानगी (Permission) घ्यावी लागणार आहे. असे आदेश आज पालिका आयुक्त डॉ. इक्बाल सिंह चहल यांनी दिले.

थर्टी फस्टच्या पार्श्वभुमीवर आज आयुक्तांनी नवे आदेश प्रसिध्द केले आहेत. राज्य सरकारच्या नोव्हेंबर महिन्याच्या निर्णयानुसार 1 हजार पेक्षा जास्त व्यक्ती कार्यक्रमाला उपस्थीत राहाणार असतील तर स्थानिक आपत्ती व्यवस्थापन प्राधिकरणाची परवानगी घ्यावी लागणार होती. तर, आता नव्या आदेशानुसार कार्यक्रमाला 200 पेक्षा जास्त व्यक्ती उपस्थीत राहाणार असल्यास स्थानिक प्रभाग कार्यालयाची परवानगी घ्यावी लागणार आहे. तसेच हि परवानगी दिल्यानंतर पालिकेचे पथक स्वता जाऊन तपासणी करेल. असे निर्देशही आयुक्तांनी दिले आहेत.

बंधिस्त जागेत क्षमतेच्या 50 टक्के आणि खुल्या जागेत 25 टक्के व्यक्तींना कार्यक्रमाला उपस्थित राहण्याची परवानगी आहे.