मुंबई : वाढत्या कोरोना रूग्णसंख्येमुळे (Corona Cases In Mumbai) धास्तावलेल्या मुंबईतील कोरोना रूग्णसंख्या गेल्या काही दिवसांपासून सातत्याने कमी होत आहे. दरम्यान, शनिवारी मुंबईत 3,568 नव्या कोरोना बाधितांची नोंद करण्यात आली आहे. तर 231 जणांना आज रूग्णालयातून घरी सोडण्यात आले असून, गेल्या 24 तासांत 10 जणांचा कोरोनामुळे (Corona Death) मृत्यू झाला आहे. सध्या मुंबईमध्ये 17,497 सक्रिय रूग्ण आहेत. (Mumbai Corona Updates In Marathi)

आज आढळलेल्या एकूण रूग्णांपैकी 2,998 (84 टक्के) रूग्णांना कोणत्याही प्रकारची लक्षणे आढळून आलेली नाही. यातील केवळ 485 रूग्णांना रूग्णालयात भरती करण्यात आले असून यातील 76 जणांना ऑक्सिजनची (Oxygen) गरज भासली आहे. दरम्यान, मुंबईतील रूग्ण बरे होण्याचा दर 96 टक्क्यांवर नोंदविण्यात आला असून रूग्ण दुप्पटीचा दर 105 दिवसांवर गेला आहे. सध्या मुंबईमध्ये 32 इमारती सील करण्यात आलेल्या आहेत. (Mumbai Corona Latest Updates In Marathi )