मुंबई - मुंबईजवळील पवई इथं एका विमान कंपनीत एअर होस्टेस अर्थात हवाई सुंदरी म्हणून काम करणाऱ्या एका तरुणीची हत्या करण्यात आल्याचा धक्कादायक प्रकार समोर आला होता. मरोळ इथल्या राहत्या घरी तिचा मृतदेह आढळून आल्यानं खळबळ उडाली होती. या प्रकरणाचा उलगडा झाला असून एका आरोपीला अटक करण्यात आली आहे. (Air Hostess Rupal Ogare Murder in Mumbai)

हत्ये प्रकरणी इमारतीत सफाईच काम करणाऱ्या इसमाला पवई पोलिसांनी अटक केली आहे. मरोळ येथील राहत्या घरी तरुणीचा मृतदेह सापडला होता. तरुणीची गळा चिरून हत्या करण्यात आली होती. मिळालेल्या माहितीनुसार, रूपल ओगरे (वय २३, मूळगाव रायपूर, छत्तीसगड) असं या एअर होस्टेसचं नाव आहे.

हत्येची घटना घडली तेव्हा रुपल घरी एकटीच होती कारण तिची बहिण आणि मित्र हे दोघेही आपल्या गावी गेले होते. पवई पोलीस आणि गुन्हे शाखेच्या अधिकाऱ्यांनी या प्रकरणाचा तपास तातडीने सुरू केला आहे.