मुंबई : मुंबईच्या अॅंटॉप हील परिसरात (Mumbai antop hill) मेथाक्यूलॉन अमली पदार्थ (Methaqualone drug) बाळगणाऱ्या तीन आरोपींना मुंबई गुन्हे शाखेच्या (Mumbai crime branch) युनिट एकने अटक केली आहे. हे अमली पदार्थ जवळपास १६ कोटी १० लाख रुपये किंमतीचं असल्याची माहिती पोलिसांनी दिलीय. पोलिसांना त्यांच्या सूत्रांकडून मिळालेल्या खबरीनंतर अमली पदार्थ प्रकरणात तिघांवर (three culprit arrested) कारवाईचा बडगा उगारण्यात आला. असं वृत्त टाईम्स ऑफ इंडियानं दिलं आहे. (Mumbai crime branch police arrested three culprit in possession of methaqualone)

पोलिसांनी दिलेल्या माहितीनुसार, मुंबई गुन्हे शाखेला अमल पदार्थ बाळगणाऱ्या व्यक्तींची खबर मिळाली होती. त्यानंतर पोलिसांनी या तीन जणांना अँटॉप हील परिसरातील बुधवारी सायंकाळी एसएमडी रस्त्यावर अडवलं. त्यावेळी त्यांच्याकडे १६.१०० किलोचा मेथाक्यूलॉन अमली पदार्थाचा साठा सापडला. त्याची किंमत तब्बल १६ कोटींच्या घरात आहे. एनडीपीएस कायद्यांतर्गत आरोपींविरोधात गुन्हा दाखल करण्यात आला आहे. तसंच या प्रकरणाचा पुढील तपास सुरु असल्याची माहिती पोलिसांनी दिलीय.