मुंबई : दुसऱ्या महिलेसोबत लग्न करण्यासाठी पोटच्या मुलाची हत्या करुन, खाडीत फेकणाऱ्या निर्दयी बापाला माहिम पोलिसांनी बुधवारी अटक केली. पोलिस चौकशीत २२ वर्षीय आरोपीने दुसऱ्या महिलेसोबत लग्न करण्यासाठीचा मार्ग मोकळा करण्यासाठी२ वर्षाच्या मुलाला संपवल्याची कबूली दिली. आरोपीवर खून (३०२) अपहरण (३६२) आणि इतर आयपीसी कलमानुसार गुन्हा दाखल करण्यात आला आहे.

शाहू नगर पोलिसांना बुधवारी सकाळी माहिम-सायन खाडी लिंक रोड इथे एका लहान मुलाचा मृतदेह सापडला. मृतदेह प्लास्टिक बॅगमध्ये होता, मृतकाचे डोके आणि उजवा हात उंदीराने कुडतडला असल्यामुळे मृतकाची ओळख पचवणे कठिण होते. दुसरीकडे मृतक मुलाचे नातेवाईकांनी या मुलाला शोधत होते.

त्यांनी बुधवारी सकाळी हा मुलगा बेपत्ता झाल्याची तक्रारही शाहू नगर पोलिसात नोंदवली होती.नातेवाईकांशी संपर्क केल्यावर मृतदेहाला ओळख पटवली गेली.त्यानंतर पोलिसांच्या चौकशीचे चक्र सुरु झाले. मृतकाचे वडील धारावी झोपडपट्टीत राहत असल्याचे समजले. पोलिसांनी त्याला अटक केली.

दुसऱ्या लग्नासाठी मुलाला संपवले

पोलिस चौकशीत आरोपीने माझे एका महिलेसोबत विवाहबाह्य संबध आहे. मला तिच्याशी लग्न करायचे होते, मात्र त्याअगोदर तूझ्या मुलाला आणि पत्नीला संपव अशी सदर महिलेने ठेवली होती. त्यामुळे पहिले मुलाला संपवण्याचा कट आरोपीने रचला.

चॉकलेट घेवून देतो अस म्हणून मुलाला आईपासून दूर नेले. त्यानंतर त्याचा गळा आवळून ठार केला, पुरावे मिटवण्यासाठी त्याला माहीमच्या खाडीत फेकल्याची कबूली आरोपीनी दिली.आरोपी धारावीमध्ये कपड्याच्या कारखान्यात टेलर म्हणून काम करत असल्याचे पोलिसांनी सांगीतले.