मुंबई : मुंबईतील गोवंडी येथे एकाच घरात चार मृतदेह आढळल्याची घटना समोर आलीये. मृत्यूचे नेमके कारण अद्याप अस्पष्ट असून या घटनेमुळे परिसरात खळबळ माजलीये. मुंबई पोलिसांचे पथक घटनास्थळी पोहोचले असून घटनेचा तपास सुरू आहे. शिवाजीनगर भागात ही घटना घडली असून या चार मृतदेहांपैकी दोन लहान मुलांचा सामावेश आहे.

(Mumbai Crime News)

दरम्यान, ७ आणि ३ वर्षांच्या मुलांची हत्या केल्यानंतर पती - पत्नीने आत्महत्या केल्याचा प्राथमिक अंदाज आहे. गोवंडीतील शिवाजीनगर येथील इंदिरानगर झोपडपट्टी परिसरात शकील खान आणि त्यांचे कुटुंबीय राहत होते. शुक्रवारी सकाळी राहत्या घरी खान आणि कुटुंबातील अन्य तिघांचे मृतदेह आढळले.

स्थानिकांनी घटनेची माहिती पोलिसांना देताच पथक घटनास्थळी पोहोचले होते. शकील खान (३४), पत्नी रजिया खान (वय २५), मुलगा सरफराज (वय ०७), मुलगी अतिसा (वय ०३) अशी या मृतांची नावे आहेत. पती – पत्नीने गळफास घेण्यापूर्वी मुलांची हत्या केल्याचे समोर आलंय.