Mumbai Crime News: गेल्या चाळीस वर्षापासून फरार असलेला आरोपी पापा ऊर्फ दाऊद बंदू खान याला पड्ठे बापूराव रोड मुंबई पोलिसांनी आग्रा येथून अटक केली. पंचवीस वर्षांपूर्वी न्यायालयाने दाऊदविरोधात अजामीनपात्र वॉरंट जारी केले होते.

त्यानंतर तो फरार झाला होता. मात्र पोलिसांनी त्याचा शोध सुरुच ठेवला होता. काही दिवसांपूर्वी खबऱ्यामार्फत पोलिसांना पापा ऊर्फ दाऊद बंदू खानची माहिती मिळाली होती.

यामध्ये तो पंचवीस वर्षापूर्वी त्याच्या कुटुंबीयांसह आग्रा येथे स्थायिक झाल्याची माहिती पोलिसांना मिळाली. या माहितीच्या आधारे पोलिसांनी आरोपीचा आग्रा येथे शोध सुरू केला होता. त्यानंतर आग्रा येथील हरिपर्वत पोलिसांची मदत घेऊन मुंबई पोलिसांनी त्याला अटक केली. त्यानंतर त्याची वैद्यकीय तपासणी करून आरोपीला मुंबईला आणल्याचे पोलिसाजी सांगितले.