मद्यप्राशन करताना झालेल्या वादातून शिवीगाळ केली म्हणून शिवडी परिसरात एका महिलेची हत्या करण्यात आली होती. या प्रकरणी शिवडी पोलिसांनी शहजादा ऊर्फ रमजान शफी शेख या आरोपीला नाव अटक केली असून तो सध्या पोलीस कोठडीत आहे.

आरोपीने सपना सतीश बातम या 40 वर्षांच्या मैत्रिणीची दगडाने ठेचून हत्या करून हत्येचा पुरावा नष्ट करून पळून गेला होता. शिवडी पोलिसांच्या एका विशेष पथकाने अटक केली.

23 जानेवारीला शिवडीतील टिकटॉक पॉइंट, बीपीसीएल कंपनीच्या मागील बाजूस शिवडी पोलिसांना एका अज्ञात महिलेचा मृतदेह सापडला होता.

हा मृतदेह संपूर्ण कुजलेल्या स्थितीत होता, त्यामुळे या महिलेची ओळख पटली नव्हती. शवविच्छेदन अहवालात या महिलेच्या डोक्यात जड वस्तूने मारहाण करून तिची हत्या करण्यात आल्याचे उघडकीस आले होते. हत्येनंतर मारेकऱ्याने पुरावा नष्ट करण्यासाठी मृतदेहाची विल्हेवाट लावली होती. या घटनेची वरिष्ठांनी गंभीर दखल घेत शिवडी पोलिसांना तपासाचे आदेश दिले होते.

विशेष पथक तयार करण्यात आले होते. पथकाने महिलेची ओळख पटावी म्हणून विविध परिसरात एक हजाराहून अधिक फोटो लावले होते. तसेच सीसीटीव्ही फुटेजच्या माध्यमातून जास्तीत जास्त मिळविण्याचा प्रयत्न केला होता.

या माहितीनंतर ही महिला मुंबई सेंट्रल येथे वेश्या व्यवसाय करत असल्याचे उघडकीस आले. त्यानंतर तिचा फोटो तिच्या मुलीला दाखविला असता, तिने तिचे नाव सपना बातम असल्याचे असल्याचे सांगितले.

14 जानेवारीला सपना ही रमजानसोबत बाहेर गेली होती. हाच धागा पकडून पोलिसांनी पोलिसांनी रमजानला चौकशीसाठी ताब्यात घेतले होते. चौकशी अंती आरोपी रमजानला शिवडी पोलिसांनी अटक केली.