Mumbai Crime News: ठाणे लोहमार्ग पोलिसांनी सराईत मोबाईल चोरट्यांना साफळा रचून सोमवारी अटक केली आहे. त्यांनी मोबाईल चोरीची कबुली दिली असून पोलिसांनी १ लाख ८ हजार ७८१ रुपयांच्या किंमतीचे ८ मोबाईल जप्त केले आहेत.

ठाणे लोहमार्ग पोलीस ठाण्यात रेल्वेने प्रवास करणाऱ्या प्रवाशांचे मोबाईल फोन चोरी आणि हरविण्यासंदर्भात अनेकदा तक्रारी येत असतात.

तसेच रेल्वे रुळावर नशा करणारे मुलं प्रवाशांना हाताने तसेच काठीने फटका मारुन रेल्वे प्रवाशांच्या जीवीतास तसेच मालमत्तेस हानी पोहचतात अशा स्वरुपाचे गुन्ह्यांचा तपास ठाणे लोहमार्ग पोलिसांचे गुन्हे प्रकटीरण पथक आणि मोबाईल फोन ट्रेसिंग पथक हे शोध घेवून गुन्हे उघड करीत असतात. १६ मे २०२४ रोजी एका गुन्ह्यात चोरीस गेलेल्या मोबाईल फोनचे ट्रेसिंग प्राप्त झाले होते.

त्यावरुन २० मे २०२४ रोजी गुप्त बातमीदारांच्या मदतीने लोहमार्ग पोलिसांनी साफळा रचून सुरज रामचंद्र साबत, वय २० वर्षे, पप्पुकुमार परमेश्वर मुखीया मल्हा, वय १९ वर्षे यांना ताब्यात घेऊन कसून चौकशी केली. तसेच चोरट्यांकडे दोन बालके ही आढळून आलेली.