मुंबई : आपल्या वाढदिवसानिमित्त २१ केक तलवारीने कापणं मुंबईतील एका तरूणाला महागात पडलं आहे. तलवारीने केक कापल्यानंतर त्याच्यावर गुन्हा दाखल करण्यात आला आहे. त्यानंतर १७ वर्षीय युवकाचा शोध पोलिसांकडून घेण्यात येत आहे.

(Mumbai Crime News Updates)

दरम्यान, सध्या तरूणांमध्ये जल्लोषात वाढदिवस साजरा करण्याची क्रेझ वाढली आहे. तलवारीने केक कापल्यामुळे याआधी अनेकांवर गुन्हे दाखल झाल्याच्या घटना घडल्या आहेत. मुंबईतील बोरिवली येथील एमएचबी कॉलनीत ही घटना घडली आहे. एका तरूणानेही तब्बल २१ केक तलवारीने कापल्याचा व्हिडिओ व्हायरल झाला आहे. त्यानंतर पोलिसांनी तरूणाविरूद्ध गुन्हा दाखल केला असून त्या तरूणाचा शोध घेण्यात येत आहे.

तलवारीने केक कापणे, तिचे सार्वजनिक ठिकाणी प्रदर्शन करणे हा गुन्हा असल्यामुळे या तरूणार गुन्हा दाखल करण्यात आला आहे.