Mumbai Crime: गोवंडीच्या शिवाजीनगर परिसरात राहणाऱ्या एका महिलेच्या घरात शनिवारी रात्री शिवाजीनगर पोलिसांनी छापा मारून दोन पिस्तूल आणि काही काडतुसे जप्त केली आहेत. याप्रकरणी हिना रेहान खान (वय २४) हिला अटक करण्यात आली आहे.

गोवंडीच्या शिवाजीनगर परिसरात हिना राहते. तिच्या घरात शस्त्रसाठा असल्याची माहिती पोलिसांना माहिती मिळाली होती. त्यानुसार शनिवारी आरोपी महिलेच्या घरात छापा मारून घरातून एक पिस्तूल आणि एक रिव्हॉल्व्हर हस्तगत केली आहे.

आरोपी महिलेने ही शस्त्रे कुठून आणली आणि ती कोणाला देणार होती, याबाबत पोलिस तिची कसून चौकशी करत आहेत. तसेच शस्त्रे बाळगण्यामागे अन्य काही उद्देश होता का, यासंदर्भात पोलिस अधिक तपास करत आहेत.