मुंबई : सीबीआयने पुण्यातील बिल्डर के.जे. इन्फ्रास्ट्रक्चर प्रोजेक्ट्स इंडिया प्रायव्हेट लिमिटेड आणि त्यांच्या संचालकांविरुद्ध बँक फसवणूक प्रकरणात सीबीआयने गुन्हा नोंदवला आहे. आरोपी संचलकानी युनियन बँकेची 91 कोटी रुपयांची फसवणुक केल्याचा आरोप आहे.

युनियन बँक ऑफ इंडियाने कंपनीविरुद्ध तक्रार केल्यानंतर सीबीआयने कारवाई सुरू केली. सीबीआयने नोंदवलेल्या गुन्ह्यामध्ये संचालक कल्याण जे जाधव, कल्याण एकनाथ काकडे, संतोष संभाजी धुमाळ आणि अमोल मारुती पेगुडे,तसेच के जे इंफ्राशी संबंधित दुसरी कंपनी विंग इन्फ्रास्ट्रक्चर इंजिनिअरिंग प्रायव्हेट लिमिटेड आणि विनोद कल्याण जाधव यांची नावे आरोपी म्हणून समाविष्ट आहेत.

सीबीआयने दिलेल्या माहितीनुसार युनियन बँकेने दिलेल्या तक्रारीत आरोपी कंपनी आणि तिच्या प्रवर्तकांनी बँकेकडून जादा रक्कम काढण्यासाठी स्टॉक-बुक, कर्जाचे तपशील आणि बनावट नफ्याचे आकडे उत्पन्न याबाबत बनावट माहिती दिली होती. याचा फायदा घेत कंपनीने बँकेकडून क्रेडिट सुविधाचा मोठ्या प्रमाणावर लाभ घेतला.

अशाप्रकारे आरोपी कंपनीने युनियन बँकेची 91 कोटींची फसवणूक केली.या प्रकरणी सीबीआयकडून पुणे आणि परिसरात ठिकठिकाणी झडती घेण्यात आली आहे. या कारवाईत आरोपींच्या घरातून महत्वाची कागदपत्रे दस्तावेज, कॉम्पुटर हार्डडिस्क आणि इलेक्ट्रॉनिक गॅझेटसह आदी साहित्य जप्त करण्यात आले आहे.