Mumbai Crime: मुंबई - अभियांत्रिकी सल्लागार आणि त्याच्या गायक बहिणीला शेअर ट्रेडिंगच्या निमित्ताने भामट्यांनी तब्बल सव्वा कोटी रुपयांचा गंडा घातला. या भवडांनी अवघ्या ४५ दिवसांत इतकी रक्कम भामट्यांनी सांगितलेल्या खात्यांवर भरली होती. या प्रकरणी जून महिन्याच्या अखेरीस सायबर पोलीस ठाण्यात(दक्षिण) गुन्हा नोंदवण्यात आला असून भामट्यांचा शोध सुरू आहे. (Latest Mumbai News)

विलेपार्ले परिसरात राहणारे कल्पेश शहा (५२) पेशाने अभियांत्रिकी सल्लागार आहेत. फोर्ट परिसरात त्यांचे कार्यालय आहे. त्यांची बहीण मनीषा गायिका आहेत. शहा यांनी दिलेल्या तक्रारीनुसार मार्च महिन्यात फेसबूकवर शेअर ट्रेडिंगबाबतची एक जाहिरात नजरेस पडली. चांगला नफा मिळवून देण्याची हमी या जाहिरातीत असल्याने कुतूहलापोटी त्यावर क्लिक केले.

परसपर ' व्हीआयपी ५७ ' या व्हॉट्सॲप समूहावर जोडला गेलो. या समूहाची प्रमुख आर्या शर्मा नावाच्या महिलेने ऑनलाईन फॉर्म भरून घेत स्टॉक युनियन कम्युनिटी नावाच्या आण्य व्हॉट्सॲप समूहावर घेतले. या समूहाचा प्रमुख जय सहानी नावाच्या व्यक्तीने एक लिंक पाठवली. या लिंकद्वारे शेअर बाजारातील घडामोडी, कोणते शेअर विकत घ्यावे, कधी विकत घ्यावे याबाबत माहिती दिली जात होती. (crime update )

सुरुवातीला शहा यांनी पैसे गुंतवण्यास सुरुवात केली. नंतर त्यांच्या बहिणीनेही गुंतवणूक करण्यास सुरुवात केली. १ एप्रिल ते १६ मे या काळात दोघांनी मिळून एक कोटी २९ लाख रुपये गुंतवले. मे महिन्याच्या अखेरीस या दोघांच्या आभासी खात्यावर १८ कोटी इतकी रक्कम जमा झाल्याचे दिसत होते. या दोघांनी ती रक्कम काढून घेण्याचा प्रयत्न केला. तेव्हा ही रक्कम काढण्यासाठी १५ टक्के सेवा शुल्क(दोन कोटी ७० लाख) भरावे लागेल, असे सांगण्यात आले. तेव्हा शहा यांना आपली फसवणूक सुरू असल्याची जाणीव झाली. अखेर त्यांनी सायबर पोलीस ठाणे गाठून तक्रार दिली.