मुंबई : राज्यातील सत्तांतरानंतर आता मुंबई बँकेच्या अध्यक्ष आणि उपाध्यक्षपदाची निवडणूक उद्या पार पडणार आहे. मुंबई बॅंकेतही सत्तांतर होणार असून प्रविण दरेकर यांचं मंबई बँकेच्या अध्यक्षपदी पुनरागमन होणार असल्याचं जवळपास निश्चित झालं आहे. त्यामुळे महाविकास आघाडीला मोठा धक्का बसणार आहे. मविआ सरकार आल्यानंतर मुंबई बँकेच्या अध्यक्षपदावरून प्रविण दरेकर यांना पायउतार व्हावं लागलं होतं.

(Mumbai District Bank President Election)

दरम्यान, मुंबई बँकेच्या उद्या पार पडणाऱ्या संचालक मंडळाच्या बैठकीत अध्यक्ष आणि उपाध्यक्षांची निवडणुकही पार पडणार असून त्यामध्ये भाजपचे नेते प्रविण दरेकर यांच्या नावाची निश्चिती झाली असून त्यांचा विजय जवळपास निश्चित मानला जात आहे. यामुळे महाविकास आघाडीला मोठा धक्का बसणार आहे. याआधी राष्ट्रवादीचे सिद्धार्थ कांबळे हे या बँकेचे अध्यक्ष होते तर विठ्ठल भोसले हे उपाध्यक्ष होते. या दोघांनीही राज्यात महाविकास आघाडी सरकार पडल्यानंतर आपापल्या पदाचा राजीनामा दिला होता.

राज्यात सत्तांतर झाल्यावर ज्या पक्षाची सत्ता त्याची मुंबई बँकेवर सत्ता असं समीकरण साधारणत: मुंबईत पहायला मिळतं. महाविकास आघाडी सरकार स्थापन झाल्यावर प्रविण दरेकर यांनाही पायउतार व्हावं लागलं होतं. त्यानंतर आता त्यांची पुन्हा अध्यक्षपदी वर्णी लागणार आहे.