मुंबई : मुंबई- मडगाव वंदे भारत ट्रेनच्या पहिल्या फेरीतून ४७७ प्रवास केला असून तब्बल ६.४८ लाखांची कमाई मध्य रेल्वेने केली आहे. विशेष म्हणजे आपल्या नियोजित वेळेपूर्वीच २४ मिनिटे अगोदरच मडगाव स्थानकांवर पोहोचली असल्याची माहिती मध्य रेल्वेने दिली आहे.
मडगाव-मुंबई वंदे भारत ट्रेनच्या उदघाटन फेरीनंतर बुधवारपासून सर्वसामान्य प्रवाशांना सेवेत वंदे भारत ट्रेन दाखल झाली. बुधवारी (ता.२८ ) सकाळी ५.२५ वाजता सीएसएमटी स्थानकातून ट्रेन क्रमांक २२२२९ सीएसएमटी-मडगाव वंदे भारत एक्स्प्रेस मडगावसाठी रवाना झाली.
मडगाव येथे दुपारी ३.३० वाजता पोहचणार होती. मात्र, सीएसएमटी-मडगाव वंदे भारत एक्स्प्रेस ३ वाजून ६ मिनिटानी म्हणजे निर्धारित वेळापूर्वीच २४ मिनिटे अगोदरच मडगाव स्थानकांवर पोहोचली आहे. विशेष म्हणजे एकूण ५३३ आसन क्षमता असणाऱ्या या ट्रेनमध्ये पहिल्याच फेरीत ४७७ आसन फुल्ल झाली.
याद्वारे तब्बल ६.४८ लाखांची कमाई झाल्याची माहिती मध्य रेल्वेने दिली आहे. ट्रेन क्रमांक २२२२९ सीएसएमटी-मडगाव वंदे भारत एक्स्प्रेस दर सोमवार, बुधवार आणि शुक्रवारी पहाटे ५.२५ वाजता सीएसएमटीवरून सुटेल आणि मडगाव येथे दुपारी ३.३० वाजता पोहोचेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.