मुंबई - मुंबई पोलीसांमार्फत मुंबईच्या शहर आणि उपनगरात ५३६१ सीसी कॅमेरे बसविण्याच आले आहेत. पावसाळ्यातील प्रत्येत घटनेचे अपडेट या कॅमे-यातून मिळणार आहे. थेट प्रक्षेपण पहाण्याकरिता व्हिडीओ वॉलची सुविधा आपत्कालीन कक्षात उपलब्ध करून देण्यात आली आहे.

सीसीटीव्ही कॅमेऱ्याच्या सहाय्याने वाहतूक व्यवस्थेचा अंदाज येणार आहे. कुठे पाणी तुंबले आहे. वाहतूक कुठे वळवावी, झाडे पडण्याच्या घटना, त्यामुळे होणारे अपघात, शॉर्ट सर्किटच्या घटना कुठे घडल्या, रेल्वे वाहतूकीच्या खोऴंबा कुठे झाला, पटरीवर पाणी तुंबले याची माहिती या सीसी कॅमेऱ्यामुळे मिळणार आहे.

विमानतळावरील विमानांच्या आवागमनावर काही परिणाम झाला असल्यास त्याची माहिती तातडीने मिळू शकेल. पावसाळ्यात आपत्कालिन व्यवस्थापनाचा महत्वाचा भाग सीसी कॅमे-याचा असेल अशी माहिती आपत्कालिन व्यवस्थापन विभागाने दिली.