मुंबई - रेल्वेत नोकरी मिळवून देण्याच्या आश्वासन देत लातूरच्या एका शेतकऱ्याची आर्थिक फसवणूक झाल्याची घटना मुंबईत घडली आहे. राजा गुट्टे या लातूर जिल्ह्यातील अंधोरी गावच्या शेतकऱ्याची 12 लाख रुपयांची फसवणूक झाल्याचा आरोप आहे.

वाकोला पोलिसांनी या प्रकरणी सोमवारी एका दाम्पत्यावर फसवणूक तसेच बनावट कागदपत्र बनवल्या प्रकरणी गुन्हा दाखल केला आहे. संतोष आणि रितिका चोपडे असे आरोपी दाम्पत्याचे नाव असून आरोपी नाशिकचे रहिवासी आहे.या आरोपी दाम्पत्याने रेल्वेमध्ये नोकरीच्या आमिषाने फसवणूक केल्याचा आरोप आहे.

आरोपीने नोकरीसाठी उमेदवारांची बनावट मुलाखती बनावट नियुक्तीपत्रही दिल्याचे आरोप आहे. या प्रकरणी वाकोला पोलिसांनी अद्याप कोणाला अटक केलेली नाही. वाकोला पोलिस आता दोन आरोपींचा शोध घेत आहेत.