मुंबई : अनंत चतुर्थीसाठी (ता.19) महानगरपालिकेने (BMC) तयारी पुर्ण केली आहे. 73 नैसर्गिक विसर्जन स्थळे, 173 विसर्जन स्थळांवर महानगरपालिकेने तयारी पुर्ण केली आहे. तसेच, मिरवणुकीला बंदी असून भक्तांना (Ganesha Devotees) विसर्जनही करता येणार नाही. यासाठी मुर्ती संकलन केंद्रांसह फिरती विसर्जन स्थळे सुरु करण्यात आली आहेत. तसेच, प्रतिबंधीत क्षेत्र आणि सील्ड इमारतीतील गणपती विसर्जनची (Ganpati visarjan) सोय तेथेच करावी असे आवाहनही महानगरपालिकेने केले आहे. विसर्जन स्थळापर्यंत कोविड लसीचा दुसरा डोस (corona vaccination) घेतल्या नंतर 15 दिवस उलटलेल्या पाच जणांनी यावे असेही महानगर पालिकेकडून सांगण्यात आले आहे. नियमांचे पालन न करणाऱ्यांंवर साथरोग नियंत्रण कायदा आणि आपत्ती व्यवस्थापन कायद्यानुसार कारवाई होण्याची शक्यता आहे.

सलग दुसऱ्या वर्षी कोविडच्या पाश्‍र्वभुमीवर गणपती विसर्जन होणार आहे.त्यामुळे यंदाही भाविकांना स्वत: विसर्जन करण्याची परवानगी नाही.त्यासाठी कृत्रिम विसर्जन स्थळे तसेच नैसर्गिक विसर्जन स्थळांवर मुर्ती संकलन केंद्र तयार करण्यात आले आहेत.या केंद्रांमध्ये मुर्ती दान करणे आवश्‍यक आहे.24 प्रभागात साधारण 25 हजार कर्मचारी अधिकारी तैनात आहेत.नागरीकांना कोविड नियमावलीचे पालन करावे असे आवाहन महानगर पालिकेने केले आहे.मिरवणुक न काढता मुर्ती विसर्जन स्थळांवर आणावी.कोविडचा दुसरा डोस घेऊन 15 दिवस झालेल्या पाच व्यक्तींना विसर्जन स्थळांवर पर्यंत येता येणार आहे.असेही महानगर पालिकेकडून स्पष्ट करण्यात आले.

महापालिकेची तयारी

नैसर्गिक व कृत्रिम विसर्जन स्‍थळी 715 जीवरक्षकांची नेमणूक करण्यात आली आहे.नैसर्गिक विसर्जन स्थळी 587 ‘स्टील प्लेट’ची व्‍यवस्‍था करुन तात्पुरते वाहन मार्ग तयार करण्यात आले आहेत. याचबरोबर विविध 338 निर्माल्य कलश, 182 निर्माल्य वाहन, 185 नियंत्रण कक्ष, 144 प्राथमिक उपचार केंद्र, 39 रुग्णवाहिका इत्यादींची व्यवस्था करण्यात आली आहे. या व्यतिरिक्त 145 स्वागतकक्ष, 84 तात्पुरती शौचालये, 3 हजार 707 फ्लड लाईट, 116 सर्च लाईट, 48 निरीक्षण मनोरे आणि नैसर्गिक विसर्जन स्थळांच्या ठिकाणी 36 मोटर बोट व 30 जर्मन तराफा असणार आहेत.