मुंबई:  मुंबई गोवा महामार्गवर खैराची वाहतूक खुलेआम सुरू आहे. कारवाईचा बडगा उगारण्यात आल्यानंतर वाहतूक सुरू असल्याने आश्चर्य व्यक्त करण्यात येत आहे. मुंबई गोवा महामार्गावर पोलादपूर वनविभाग तपासणी नाक्याजवळ मिळालेल्या गुप्त माहिती नुसार विनापरवाना खैराची वाहतूक करणाऱ्या टेम्पो वर कारवाई करण्यात आली असून टेम्पो जप्त करण्यात आला आहे. 

ठाणे पालघरसह त्या पुढील जंगल भागातून मोठ्या प्रमाणावर खैराची झाडाची कत्तल होत असून रात्रीच्या सुमारास त्याची चोरटी वाहतूक तळ कोकण सह कर्नाटक राज्यात होत आहे. मुंबई गोवा महामार्गावर आठवडाभरात महाडजवळ वीर टेंभेवाडी जवळ तर 29 जानेवारी शुक्रवारी सकाळी पोलादपूर तपासणी नाका येथे टेम्पोची तपासणी करत कारवाई करण्यात आली आहे.

मिळालेल्या माहितीनुसार गुप्त माहितीनुसार, वनपरिमंडल अधिकारी पोलादपूर श्याम गुजर वनरक्षक, नवनाथ मेटकरी, निलेश वाघमारे, निलेश नाईकवाडे फिरते पथक  वनपाल आर जी पाटील रोहा, अजिंक्य कदम यांनी संयुक्त विद्यमाने विनापरवाना खैर सोलीवची वाहतूक करणारा आयशर टेम्पो जी जे 15 ए टी 4704 वरील चालक हादिस खान राहणारा तलासरी गुजरात आणि मालक अब्बास खान गुजरात यांना थांबवत टेम्पोची तपासणी करत कारवाई केली. या टेम्पोमध्ये  खैर सोलीव नग घमी 14.112 किंमत 1 लाख 71 हजार 144 रुपयांचे लाकूड सह 10 लाख किंमतीचा टेम्पो जप्त केला आहे.

मुंबई विभागातल्या ताज्या बातम्या वाचण्यासाठी येथे क्लिक करा.

या प्रकरणी भारतीय वन अधिनियम 1927 चे कलम  26 (1) ,फ 41 (2) ब, 42 अन्वय चालक आणि मालक विरोधात गुन्हा दाखल करण्यात आला आहे.

हेही वाचा- रिव्हॉलव्हर दाखवून ओव्हरटेक करणारे तरुण ताब्यात, गाडीवर होते शिवसेनेचे स्टिकर

-------------------------------------

(संपादन- पूजा विचारे)

Mumbai Goa highway Action taken tempo for transporting unlicensed garbage