मुंबई: राज्यातील कोरोना संसर्ग (Coronavirus) आता हळूहळू आटोक्यात येत आहे. मुंबईसह (Mumbai) राज्यात अनेक ठिकाणी कडक लॉकडाउन (Maharashtra Lockdown) केल्याने आता रूग्णसंख्या (Positivity Rate) वाढीवर काही अंशी नियंत्रण मिळवणं प्रशासनाला (Mumbai BMC) शक्य झालं आहे. कोरोना काळात विविध ठिकाणची कोविड सेंटर्स ही चांगल्या वाईट कारणांसाठी चर्चेत आली. सध्या मुंबईतील गोरेगाव (Goregaon) येथील नेस्को कोविड सेंटरची (Nesco Covid Center) जोरदार चर्चा रंगली आहे. या चर्चेमागचे कारण खूपच सकारात्मक (Positive) आणि आनंददायी (Happy) आहे. या कोविड सेंटरमधील कर्मचारी वर्ग डान्स (Filmy Dance) करतानाचा एक व्हिडीओ खूपच व्हायरल झाला आहे. त्या डान्समागचं कारणही तितकंच भन्नाट असून सर्वत्र याच व्हिडीओची चर्चा रंगली आहे. (Mumbai Goregaon Nesco Covid Center Health Workers dance on Zingat Song Sairat Movie Video Viral)

मुंबईतील गोरेगाव परिसरात असलेल्या नेस्को कोविड सेंटरला नुकतंच एक वर्ष पूर्ण झालं. याच गोष्टीचं निमित्त साधून नेस्कोमध्ये एक मनोरंजनपर कार्यक्रम आयोजित करण्यात आला होता. या मनोरंजनाच्या कार्यक्रमा दरम्यान आरोग्य कर्मचारी झिंगाट या गाण्यावर डान्स करताना दिसले. मुंबईतील नेस्को कोविड सेंटर सुरू होऊन एक वर्षाचा कालावधी पूर्ण झाला. २ जूनला नेस्को कोविड सेंटरमध्ये कार्यक्रमाचं आयोजन करण्यात आलं. यावेळी या ठिकाणी उपस्थित असलेल्या सर्व आरोग्य कर्मचाऱ्यांनी पीपीई परिधान करून पेशंट्सचं मनोरंजन केलं आणि झिंगाट या लोकप्रिय गाण्यावर डान्स केला.

गेल्या दीड वर्षापासून आरोग्य कर्मचाऱ्यांवर मोठ्या प्रमाणात ताण तणाव आहे. आरोग्य कर्मचारी, डॉक्टर्स, नर्स सारेच दिवसरात्र एक करून रुग्णांवर उपचार करताना दिसत आहेत. गेल्या काही दिवसात रूग्णसंख्या घटली आहे. त्यामुळे सध्या आरोग्य कर्मचाऱ्यांवरील ताण काही अंशी कमी झाल्याचे चित्र आहे. नेस्को कोविड सेंटरमधील हा व्हिडीओ व्हायरल झाल्यानंतर अनेक नेटकऱ्यांनी यावर सकारात्मक प्रतिक्रिया दिल्याचे दिसत आहे. त्याशिवाय, आरोग्य कर्मचाऱ्यांच्या दिवसरात्र सुरू असलेल्या कार्याबद्दल त्यांचे आभारही व्यक्त केले आहेत.