डोंबिवली : उच्च दाबाने वीज पुरवठा होत असलेल्या ग्राहकांच्या वीज मीटरची तपासणी महावितरणकडून करण्यात येत आहे. यासाठी मंडल स्तरावर विशेष पथक देखील स्थापन करण्यात आले आहे. टिटवाळा येथील गुरवली पाडा येथे असलेल्या जीन्स वॉशिंग कंपनीत या पथकाने पाहणी केली असता कंपनीने मीटर बायपास करत वीज चोरी करत असल्याचे आढळून आले.
तब्बल 25 लाख 85 हजाराची वीज चोरी कंपनीने केल्याचे निष्पन्न झाल्याने जागामालक व कंपनीच्या चालका विरोधात मुरबाड पोलिस ठाण्यात महावितरणकडून गुन्हा दाखल करण्यात आला आहे.
वीज ग्राहक विकास दळवी व वापरकर्ता ब्रिजमोहन प्रजापती यांच्याविरोधात मुरबाड पोलिस ठाण्यात गुन्हा दाखल करण्यात आला आहे. 17 जानेवारीला महावितरणच्या तपास पथकाने गुरवली पाड्यातील काळू नदी ब्रिज जवळील जीन्स वॉशिंग कंपनीच्या गाळ्याचा वीज पुरवठ्याची तपासणी केली होती. यावेळी मीटरकडे येणारी केबल छतावर कट करुन टॅपिंग केल्याचे पथकास दिसून आले.
मीटर टाळून या टॅपिंग केलेल्या केबलच्या सहाय्याने वीजचोरी सुरु असल्याचे आढळून आले. त्यानुसार वीज चोरीचे देयक भरण्याबाबत कंपनीस नोटीस बजावण्यात आली होती. विहीत मुदतीत रक्कमेचा भरणा न झाल्याने महावितरणने मुरबाड पोलिस ठाण्यात गुन्हा दाखल करण्यात आला आहे. मुरबाड पोलिस ठाण्याचे पोलीस निरिक्षक प्रसाद पांढरे हे पुढील तपास करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.