मुंबई : नागरिकत्व सुधारणा विधेयकाच्या विरोधात पुकारण्यात आलेल्या बंदमुळं मुंबईत मध्य रेल्वेची वाहतूक विस्कळीत झाली आहे. कांजूरमार्ग रेल्वे स्टेशन इथं रेल रोको करण्यात आल्यामुळं मध्य रेल्वेच्या सेवेवर याचा परिणाम झाला आहे. त्यामुळं मुंबईतील मध्य रेल्वेच्या उपनगरीय वाहतुकीवर परिणाम झाला आहे. चाकरमान्यांना आज वेळेवर पोहोचण्यासाठी कसरत करावी लागणार आहे. 

मुंबईच्या आणखी बातम्या वाचण्यासाठी येथे► क्लिक करा

नागरिकत्व सुधारणा विधेयकाच्या विरोधात बहुजन क्रांती मोर्चाने कांजुरमार्ग रेल्वे स्टेशनमध्ये बहुजन क्रांती मोर्चाने रेल रोको केले. मार्चोतील सहभागी कार्यकर्त्यांनी केंद्रातील भाजप सरकार विरोधात जोरदार घोषणाबाजी केली. बहुजन क्रांती मोर्चाने आज, भारत बंदची हाक दिली. या बंदला सध्या राज्यात फारसा प्रतिसाद मिळालेला नाही. पण, कांजूरमार्ग रेल्वे स्टेशनवरील छोट्याशा आंदोलनाचा परिणाम मध्य रेल्वेच्या वाहतुकीवर झाला.