मुंबई: राज्य सरकारने गर्दीची वेळ वगळता सर्वसामान्य प्रवाशांना लोकल प्रवास करण्यास परवानगी देण्यात आली आहे. त्यामुळे 1 फेब्रुवारीपासून ठराविक वेळेत सर्वसामान्य महिलांप्रमाणे सर्वसामान्य पुरुष नोकरदार प्रवासी प्रवास करू शकतात. त्यामुळे रेल्वे प्रशासनाने स्थानकावरील बंद केलेली प्रवेशद्वार, जिने, सरकते जिने खुली करण्याच्या तयारीला लागले आहेत.

कोरोना आणि लॉकडाऊन काळात सर्वसामान्यांसाठी लोकल सेवा बंद करण्यात आली होती. तब्बल 10 महिन्यांनी लोकल सेवा ठराविक वेळेसाठी सर्व सामान्य प्रवाशांसाठी खुली करण्यात येणार आहे. मात्र अत्यावश्यक सेवेतील कर्मचाऱ्यांसाठी लॉकडाऊन काळात सुरू केली. यावेळी अत्यावश्यक सेवेतील कर्मचारी व्यतिरिक्त अन्य प्रवाशांनी प्रवास करू नये, यासाठी स्थानकावरील पादचारी पूल, जिने, सरकते जिने, प्रवेशद्वार बंद केले होते. स्थानकात ये-जा करण्यासाठी आणि इच्छित फलाटावर जाण्यासाठी प्रवाशांना खूप पायपीट करावी लागत होती. मात्र आता ठराविक वेळेत सर्व प्रवाशांना प्रवास करण्याची मुभा आहे. त्यामुळे गर्दीचे नियोजन आणि गर्दीचे विभाजन तत्काळ होण्यासाठी बंद केलेले सर्व प्रवेशद्वार, जिने, सरकते जिने, पादचारी पूल खुले केले जाणार आहेत, अशी माहिती मध्य रेल्वेच्या वरीष्ठ अधिकाऱ्यांनी दिली.

मुंबई विभागातील बातम्या वाचण्यासाठी येथे क्लिक करा.

 राज्य सरकारने 1 फेब्रुवारीपासून गर्दी होणार नाही, अशा वेळा आखून सर्वसामान्य प्रवाशांसाठी उपनगरीय सेवा सुरु करण्याचे निर्देश रेल्वे प्रशासनाला दिले आहे. यासह आरोग्याचे नियम पाळले जातील, यासाठीही खबरदारी बाळगून आहेत. 
त्यामुळे सर्व प्रवाशांना सकाळच्या पहिल्या लोकलपासून सकाळी ७ वाजेपर्यंत  दुपारी १२ पासून ते दुपारी ४ पर्यंत आणि रात्री ९ पासून शेवटच्या लोकलपर्यंत प्रवास करता येणार आहे. सर्वसामान्य प्रवासी यावेळेव्यतिरिक्त लोकलमधून प्रवास करू शकत नाहीत, असे निर्देश राज्य सरकारने रेल्वे प्रशासनाला दिले आहेत.

हेही वाचा- 'या' कारणामुळे ठाणे पालिकेकडून तब्बल 2 हजारहून अधिक नळ जोडण्या खंडित

-----------------------------

(संपादन- पूजा विचारे)

Mumbai local news All entrances local train station will open