मुंबई : कल्याणवरून कर्जतकडे जाणारी रेल्वे सेवा सध्या उशीराने सुरू आहे. अंबरनाथ आणि बदलापूर दरम्यान लोकलमध्ये तांत्रिक बिघाड झाल्याने ही लोकल सेवा उशीराने सुरू आहे. त्यामुळे मध्य रेल्वेची डाऊन मार्गावरील वाहतूक विलंबाने सुरू आहे. मागच्या एका तासापासून ही वाहतूक खोळंबली आहे. त्यामुळे प्रवाशांना फटका बसला आहे.

(Mumbai Local Latest Updates)

दरम्यान, मागच्या अर्ध्या तासापासून डाऊनच्या दिशेने जाणाऱ्या रेल्वे उशीराने आहेत. त्याचबरोबर मध्य रेल्वेच्या माहितीनुसार या रेल्वेमधील तांत्रिक बिघाड दुरूस्त करण्यात आला असून बॅकलॉगमुळे डाऊनच्या दिशेने जाणारी वाहतूक उशीराने होत आहे. त्यामुळे प्रवाशांना त्रास सहन करावा लागत आहे.

तसेच धुक्यामुळे डाऊन मार्गावरील वाहतूक विस्कळीत झाली होती. त्यानंतर आता ही वाहतूक हळूहळू पूर्वपदावर येत आहे अशी माहिती मध्य रेल्वेने दिली आहे.