लोकल ट्रेनने प्रवास करत सकाळी घाईने कामावर निघणाऱ्या मुंबईकरांना मनस्ताप सहन करावा लागला आहे. आज सकाळीच हार्बर मार्गावर धावणाऱ्या लोकल ट्रेनमध्ये तांत्रिक बिघाड झाल्याने छत्रपती शिवाजी महाराज टर्मिनसकडे जाणाऱ्या लोकल गाड्या तब्बल १० मिनिटं उशीराने धावत आहेत.तसेच काही गाड्यां रद्द देखील करण्यात आल्या आहेत.

बुधवारी लोकलमध्ये तांत्रिक बिघाड झाल्याने रेल्वेसेवा विस्कळीत झाल्याचे पाहायला मिळाले. अगदी सकाळी कामावर निघालेल्या चाकरमान्यांना या बिघाडामुळे अडचणीचा सामना करावा लागला. दरम्यान, रेल्वेकडून लोकलची वाहतूक सुरळीत करण्याचे प्रयत्न सुरू आहे. साम टीव्हीने यासंबंधीचे वृत्त दिले आहे.

मिळालेल्या माहितीनुसार, हार्बर मार्गावरून धावणाऱ्या लोकल ट्रेनमध्ये तांत्रिक बिघाड झाल्याने ट्रेन रूळावरच बंद पडली. त्यामुळे पनवेलकडून-सीएसएमटीकडे जाणाऱ्या वाहतुकीचा खोळंबा झाला. या मार्गावरील लोकल सेवा उशीराने सुरू होती. तर काही लोकल फेऱ्या रद्द देखील करण्यात आल्या.